Mitt barn, ditt barn, vår familie
"To søstre" er eit teaterstykke for vaksne og barn om vanskane med å
skape ein familie når både mannog kvinne har kvar si åtte år gamle
dotter frå før. Stykket er ein lovande start for den nye teatersjefen,
Metta Brandtzeg.
Både enkemannen Ask spela av Bjorn Myrholt og den skilte Tyra (Nina
Schjeide), vil så gjemt få til familieprosjektet sitt. Men å ville ein
ting og å få det til å lukkast i praksis er to ulike ting. Dei to har
nemleg kvar si dotter som dei er svært glade i, og foreldebarn banda er
minst like sterke som kjærleiken mellom paret. Ein del vaksne og nokre
barn hadde møtt fram til premieren på den vesle scena i Førdhuset, og
skodespelarane makta å fange merksemda og underhalde publikum gjennom
heile stykket. "To søstre" av Ingeborg Eliassen er instruert av Hanne
Tømta.
Innflytting
Det første møtet der barna er med er passeleg vellukka og prega av
optimisme, foreldra har tydeleg bearbeidd avkommet på førehand. Ask si
jente Ristil er imøtekomande, medan Ragnhild som er dotter til Tyra er
langt meir reservert. Når dei fire hamnar under same tak blir det verre.
Raenhild passar på å nemne kalven som ho eig og måtte reise frå seint
og tidleg. Samstundes understrekar ho at rommet hennar ikkje er større enn
eit kott. Akkurat dette poenget dreg mor hennar fram i dårlege stunder.
Ristil på si side har ei mor himmelen og er generelt venleg innstilt til
omverda, men det gjør ikkje at ho likar maten til den nye kvinna faren har
henta i hus. Familieprosjektet avlar mykje humor, og skodespelararne
utnyttar tekstane på ein fin måte. Spesielt imponerar tolkninga Mai Lise
Rasmussen gjev av den sårbare og energiske Ragnhild som er glad i lange
telefonsamtalar med den eigentlege faren tidleg på morgonen, og som vaktar
tusjane sine mot tjuvlån frå stesøstra med livet som innsats. Far i
huset er ein ordensmann, og livredd for å få øydelagt puslespelet han
har brukt fleire år på å lage. Han ser den viltre stedotra Ragnhild som
ein potensiell trussel. Den meir fredelege og drøymande Ristil vert spela
av Askvolljenta Terese Hugøy.
- Det er vanskeleg å skulle vere åtte år på scena, og eg brukar nok
litt av meg sjølv slik eg var som bam, mykje er rolle og ulikt meg sjølv,
seier Hugøy. som er letta etter prermiera.
Utflytting
Etter mange kompromiss med matlaging, gebursdagar og andre kvardagslege
problem går det med dei fire sorn med tusenvis av norske familiar kvart
år, Ask og Tyra skil lag. Puslespelet til Ask vert symbolsk nok øydelagt
ved eit uhell når dei to små jentene leikar, og Ask legg skulda på
Ristil. Dei huslegt problema tek etter kvart overhand, og mor og dotter
flyttar ut.
Stykket er ikkje over med dette, dei fire prøvar etter kvart å lime saman
familiepuslespelet att, eit felles barn er nemleg, på veg.
Problemstillinga med splitta forhold og nye familiekonstellasjonar har vore
aktuell i eit par tiår, og det ser ut til at det ikkje blir færre som
kjem i denne situasjonen. Slik sett er stykket til å bli klokare av,
samstundes som ein kan le av gjenkjennelege problem. "To søstre" er ein
lovande start med Mette Brandtzeg i teatersjefstolen. Sogn og Fjordane
Teater skal på turne med forestillinga, for det meste er det skuleklassar
som skal sjå framsyninga. Kanskje foreldre skulle bli med barn og stebarn
i teater?